Om kunstverket

Amfiet står som eit sentralt visuelt element i rommet. Det er ein plass der barna kjem tett på når det er samlinger der eller berre i forbifarta inn til timane. Den blå "rennende" forma er som ei elv eller ein skvett vatn som er sølt utover og lagar si eiga tilfeldige rennande organiske vassrytme. Ho strekk seg nedover dei fleste trinna i amfiet. Det er lagt vekt på å laga eit uttrykk som endrar karakter ut frå kvar ein står. På veg opp eller ned endrar formforløpet seg kontinuerleg.

Formulert om, etter kunstnaren si eiga skildring av verket.